XIoкxy деношкахь «Ийман» клубан жигархой: Усаева 1айшат а, Муртазалиева Зулихан а, Гойгешиева Захра а, Назирова Макка а дешархошна хьехам баран 1алашонца Т1ехьа- Мартант1ерчу №5 йолчу школехь хилира

Лакхарчу классийн дешархой схьагулбинера актови зала чохь. Дика хеташ дара церан наной а оцу цхьаьнакхетарехь хилар. Терроризмах а, экстремизмах а интернетах а долучу зуламех лаьцна дийцира цигахь дешархошна «Ийман» клубан жигархоша экстремизмах а интернетах а долучу зуламех лаьцна дийцира цигахь дешархошна. «Ийман» клубан жигархоша рогг1ана дийцира, кхузаманахь берриге а кегийрхоша интернета чуьра хаамаш боьшуш дукха хан йоккхуш хиларх а, дукхахйолчу сайтех царна доккха зулам дала тарлуш хиларх а лаьцна.

Дешархоша леррина ладуг1ура шайна бечу хьехамашка. Интернетах долучу зуламех лаьцна дуьйцуш къаьсттина церан семачу тидамехь дара цара мел олу дош. Хьехамаш бинчул т1аьхьа дешархойн а, церан нанойн а таро хилира «Ийман» клубан жигархошка хаттарш дан. Шайга динчу хаттаршна, дуьззина жоьпаш делира цара. Шаьш долчу дахкарна а, дешархошна мехала хьехамаш барна а школин куьйгалло «Ийман» клубан жигархошна баркалла а олуш, берзийра цхьаьнакхетаран болх. Вай тешна ду дешархоша оцу хьехамех пайдаоьцург хиларх.

Кунтаева Хеда

Авторан суьрта т1ехь: цхьаьнакхетаран дакъалацархой